Ingia / Jisajili

Shukrani Yangu

Mtunzi: Joseph C. Shomaly
> Tazama Nyimbo nyingine za Joseph C. Shomaly

Makundi Nyimbo: Shukrani

Umepakiwa na: Martin Munywoki

Umepakuliwa mara 1,871 | Umetazamwa mara 5,377

Download Nota Download Midi
Maneno ya wimbo

1. Hii sio hadithi ninataka kusimulia

Wala sio historia wala si somo la siasa

    Ni mambo mema sana aliyotenda Mungu kwangu

Na nisipoyatamka nitakuwa sina fadhila

Wazazi wamenilea mpaka nimefika hapa

Majirani na ndugu zangu pia wamenipiga jeki

[ b ] Baba usikie sala hii mimi natoa


{ Wabariki wazazi wangu wape maisha marefu

Wabariki na ndugu zangu wape amani tele

Marafiki zangu pia mimi mwenyewe

Siwezi kusahau kuwaombea na adui zangu } *2

2. Mungu ninakushukuru, afya njema wanijalia

Kila ninapoamka sijui nitakupa nini

Masomo yangu nasoma pia ninafaulu vyema

Sasa nimefika hapa sio kwamba mimi ni mwema


3. Shuleni niliposoma nilikuwa na marafiki

Waliosoma vizuri pia na wenye afya njema

Sio wote waliweza kufikia nilipofika

Nashindwa niseme nini jinsi umenipenda mimi


4. Vijijini nimeishi watu wengi nimewaona

Hawana mbele na nyuma wameishia kunywa pombe

Maisha yao magumu elimu yao haba haba

Nashindwa nikupe nini hapa nilipofika mimi


5. Siwezi kusema mengi najua wewe ndiwe kinga

Nibariki nijalie maisha yenye kupendeza

Kipaji nilicho nacho cha kuimba na kuhubiri

Kiwavute watu wengi wakuabudu wewe Bwana



Maoni - Toa Maoni

Stella Apr 18, 2019
Yote

Toa Maoni yako hapa