Furaha Mbughi

Historia / Maelezo

Tumsifu Yesu Kristu.

Furaha Mbughi ni mtunzi na mpiga kinanda mchanga.

Napenda sana kumtumikia Mungu kwa njia ya uimbaji. Namshukuru Mungu kwa karama alizonijalia.

Nilianza kuimba  kwaya mwaka 1994 katika Kigango cha Mt.Athony, Kafwafwa, Parokia ya Sange, Jimbo la Mbeya.

Miaka 10 baadaye, yaani mwaka 2004, nilianza kujifunza muziki wa nota na kucheza kinanda, wakati huo nikiwa kidato cha tano katika sekondari ya wavulana ya Mzumbe. Na kwa mwaka huohuo nilianza kutunga nyimbo chache nikiwa najifunza. Wimbo wangu wa kwanza kutunga ulikuwa ni: "KINYWA CHANGU KITASIMULIA". Wimbo huu unapatikana pia kwenye tovuti ya nyimbo za kanisa ya "www.swahilimusicnotes". Mpaka sasa nimejaliwa kutunga nyimbo zaidi ya 200, zinazoimbwa ndani na nje ya Tanzania.

Mwaka 2024 nimetimiza miaka 30 ya uimbaji na pia miaka 20 ya utunzi na kucheza kinanda.

Namshukuru sana Mungu wangu kwa wema wake kwangu, namuomba aendelee kunijalia uzima na baraka ili nimtumikie daima!.

Kwaya ambazo nimewahi kuimba ni pamoja na:

1. Kwaya ya Mt.Cesilia _ Kigango cha Kafwafwa _Parokia ya Sange _Mbeya.
2. Kwaya ya wanafunzi (TYCS) _ Shule ya Sekondari Mzumbe _Morogoro.
3. Kwaya ya Mt.Cesilia _ Kigango cha Mzumbe _Parokia ya Mzumbe _Morogoro.
4. Kwaya ya Mt.Thomas Moore_ Chuo Kikuu Mzumbe _Parokia ya Mzumbe _Morogoro.
5. Kwaya ya Mt.Theresia wa Mtoto Yesu_Parokia ya Watakatifu Petro na Paulo-Tukuyu_Mbeya.
6. Kwaya ya Mt.Cesilia _ Kigango cha Igogwe _Parokia ya Igogwe _Mbeya.
7. Kwaya ya Mt.Bikira Maria _ Kigango cha Igogwe _Parokia ya Igogwe _Mbeya.
8. Kwaya ya Mt.Athanas _ Kigango cha Kiwira _ Parokia ya Igogwe _ Mbeya _ (Mpaka sasa).