Siku Kubwa

Siku Kubwa

1. Siku kubwa tuliyoingojea kwa hamu kubwa, kwa mapenzi ya mwenyezi Mungu leo imewadia, nina furaha kuu moyoni kwa kuwa twafunga ndoa, uwe wangu wa maisha zawadi kutoka kwa Mungu kipenzi changu.

(S: Darling) - nakupenda ndiwe chaguo langu la moyoni,

(S|A: bebi) - wapendeza machoni mwangu nimekuridhia,

(T: wangu wa moyoni) - hivi leo twau’nganishwa kwa ndoa takatifu,

(T|B: mpenzi) - naahidi penzi lako nitakutunzia. X 2

2. Ee Mungu Baba umetujalia kufika hapa, katuwezesha kushinda changamoto zilotukumba, hivyo hatuna budi kushukuru kwa neema yako, tena asante kwa kunipa huyu anayenifaa mpenzi wangu.

3. Enyi marafiki twawaalika, mjiunge nasi, tusherehekee siku hii iliyo maalum kwetu, kwa vigelegele nderemo vifijo, tushangilie, ni furaha kuu kwa kuwa penzi letu lakamilika katika ndoa.

4. Ombi letu Mungu tusaidie tutunze ndoa, tujalie neema tudumu katika pendo la dhati, na tuweze kuvumiliana kwenye, hali zote, tuyafuate mafunzo yako tuwe na familia iloimara.

Hitimisho:

Haya sasa njoo karibu yangu cheza nami, tuionyeshe furaha iliyotujaza. Kipenzi changu wang’aa unameremeta, kwa madoido kitaratibu cheza cheza. X3