Jongeeni Bethlehemu

Kiitikio: Leo ni siku ya furaha Mwokozi wetu kazaliwa, waamini wote jongeeni mbele tumfanyie shangwe x 2.

Haya twende (twende), twende wote (twende), Bethlehemu (twende), tukamwone (twende), tumwabudu (twende), tumsujudu (twende), mtawala milele x 2.

1. (a) Jeshi la malaika wanaimba kwa furaha, wanamsifu Mtoto aliyezaliwa.

(b) Mashariki Magharibi kaskazini kusini, wanamsifu Mtoto aliyezaliwa.

2. (a) Tuungane na Maria Mama mtukufu wa Yesu; kumshukuru Mtoto aliyezaliwa.

(b) Na zawadi mikononi jongeeni Bethlehemu; kumshukuru Mtoto aliyezaliwa.

3. (a) Kina baba kina mama kwa furaha nesa nesa; kwa ndelemo na vifijo msifuni Bwana.

(b) Watoto nanyi vijana ruka ruka kwa furaha; kwa ndelemo na vifijo msifuni Bwana.

4. (a) Makasisi na watawa simameni tuwaone; pazeni sauti zenu msifuni Bwana.

(b) Watu wote duniani na muimbe na kucheza; pazeni sauti zenu msifuni Bwana.