Maria Teta Na Yesu

Tunakuomba mama yetu Maria (mwema) teta na mwanao mwanao Yesu

Tunakusihi wewe mama Maria (mama) peleka maombi yetu kwa Yesu.

MABETI

1. Ee Maria nenda kamueleze mwanao, na pia Maria umkumbushe mwanao, alitukomboa kwa damu yake mtini, asikubali apotee mtu, atusaidie.
2. Ee Maria mama mbembeleze mwanao, kwa sauti pole utete nae mwanao, ugumu wa maisha aufute mbali, asikubali shetani ashinde, amuangamize.
3. Mama mpole kwako mwanao utenda, heshima yako kama mzazi hudumu, utakachomwomba atakukirimu, useme yote yatushindayo, ye! atayatenda.
4. Twajua wote tu wasafiri kwa baba,  lakini njia tuzipitazo ni ngumu, ombi moja mama atuvushe vyema, shetani atoke mikono tupu, kwa baba tufike.
5. Tunakuumiza kwa dhambi zetu Maria, ila bado wewe ni nguzo yetu Maria, tunahitaji huruma ya kimama, usikubali wanao tuzame, teta na mwanao.