Bwana Ametualika

1.Bwana ametualika kwa karamu takatifu,

   tujongee ametuandalia chakula

   Kimeandaliwa leo kwa ajili yetu sisi,

   wanadamu tule tujaliwe wokovu

Tule mwili wake Bwana ni chakula cha uzima twende ndugu twende

Tunywe damu yake Bwana ni kinywaji cha uzima twende ndugu twende

2.Nasi tumetunukiwa tuzo hilo la milele,

   heri yetu tumeandaliwa karamu

   Neema tunazipata roho zetu zinaponywa,

   tunaimarika katika nyoyo zetu

3.Cheo zetu na mamlaka heshima tunayopewa,

   mbele zake Mungu sisi sote ni sawa

   Hivyo yatupasa sote tunyenyekee mbele zake,

   ndiye ametujalia haya maisha

4.Heri yetu heri yetu tuliyoitika wito,

   wa kushiriki kwenye karamu ya Bwana

   Tuepukane na dhambi tutende yaliyo mema,

   hapo ndipo tutamfurahisha Mwenyezi